Báwo ni mo ṣe lè sanwó fún Pro, tàbí gbà á padà lórí fóònù míì?
Pro jẹ́ ti àkáǹtì Niki POS yín, kì í ṣe ti fóònù. Ẹ sanwó lẹ́ẹ̀kan, lẹ́yìn náà ẹ wọlé pẹ̀lú àkáǹtì kan náà lórí ẹ̀rọ èyíkéyìí.
Sísanwó fún Pro
- Ẹ ṣí Ìyókù → Niki POS Pro. Olùní nìkan ló ń rí i.
- Ẹ yan Lóṣooṣù tàbí Lọ́dọọdún.
- Ẹ tẹ Bẹ̀rẹ̀ ìdánwò ọ̀fẹ́ ọjọ́ 14, tàbí Bẹ̀rẹ̀ Niki POS Pro tí ẹ bá ti ní Pro rí.
- Ẹ kọ́kọ́ wọlé: ẹ tẹ Tẹ̀síwájú pẹ̀lú Google, tàbí ẹ lo ímeèlì àti ọ̀rọ̀ aṣínà yín. Kò tíì sí àkáǹtì? Ẹ tẹ Ṣẹ̀dá àkáǹtì kí ẹ sì tẹ kóòdù oní-nọ́ńbà 6 tí a fi ránṣẹ́ sí ímeèlì yín.
- Google Play yóò ṣí. Ẹ yan bí ẹ ó ṣe sanwó kí ẹ sì fìdí rẹ̀ múlẹ̀. Pro yóò tàn, ẹ̀dà ìpamọ́ àkọ́kọ́ yóò sì bẹ̀rẹ̀.
Gba Pro padà lórí fóònù tuntun tàbí lẹ́yìn tí ẹ tún fi áàpù sí i
- Lórí ojú àkọ́kọ́, ẹ tẹ Ẹ ti ní ẹ̀dà ìpamọ́? Ẹ wọlé, tàbí lórí ojú Pro ẹ tẹ Ẹ ti ní Pro? Ẹ wọlé.
- Ẹ wọlé pẹ̀lú àkáǹtì kan náà tí ẹ fi bẹ̀rẹ̀ Pro, Google tàbí ímeèlì.
- Ẹ ti wọlé ṣùgbọ́n Pro kò hàn? Ẹ tẹ Tún ṣàyẹ̀wò.
Tí nǹkan kan bá ṣẹlẹ̀
- "Rírà náà kò lọ. A kò gba owó kankan.": ẹ ṣàyẹ̀wò ọ̀nà ìsanwó yín nínú Google Play, lẹ́yìn náà ẹ tún gbìyànjú.
- "Ìṣòro ìsanwó: ẹ ṣàtúnṣe rẹ̀ nínú Google Play": nínú áàpù Play Store, ẹ ṣí Payments & subscriptions kí ẹ sì ṣàtúnṣe ọ̀nà ìsanwó láìpẹ́, kí Pro tó parí.
- "A kò tíì rí ìpele Pro kankan lórí àkáǹtì yìí": bóyá ẹ wọlé pẹ̀lú àkáǹtì míì. Ẹ tẹ Jáde kí ẹ sì wọlé pẹ̀lú èyí tó ń sanwó.
- "A kò lè so pọ̀": ẹ ṣàyẹ̀wò ìsopọ̀ ìntánẹ́ẹ̀tì kí ẹ sì tún gbìyànjú.
- Kò sí Google Play lórí ẹ̀rọ yìí, bí ẹ̀rọ POS? Ẹ tẹ̀lé àkíyèsí tó wà lórí ojú Pro: ẹ lè bẹ̀rẹ̀ Pro lórí fóònù tí ẹ fi àkáǹtì kan náà wọlé sí, lẹ́yìn náà ẹ tẹ Tún ṣàyẹ̀wò níbí.